Plantun de Prouvènço

Pèr coumpara dos planto d'encò nostre

Myosotis discolor & Iberis umbellata

Te-vese-e-t'ame(-di-dos-coulour)

Myosotis discolor

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis bicolore, Myosotis de deux couleurs.

Descripcioun :
Aquéu te-vese-e-t'ame, coume lou dis soun noum, a de flour de dos coulour, jauno pièi bluio. Es uno planto pas trop coumuno que trachis dins li pelouso sablouso bagnado l'ivèr. Isto uno meno proche que ié dison lou te-vese-e-t'ame-doutous, Myosotis dubia, que vèn dins li mémi relarg, que fai de flour d'abord blanco, pu pichoto e que la cambo, pu grando elo, a pas jamai li fuio d'en aut "óupousado".

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 3 à 4 mm
Flourido : Printems

Sòu : Si
Autour basso e auto : 0 à 1200 m
Aparado : Noun
Mars à jun

Liò : Pelouso - Sablo - Ermas
Estànci : Termoumediterran à Mountagnard
Couroulougi : Paleoutemperado
Ref. sc. : Myosotis discolor Pers., 1797

Taraspic

Iberis umbellata

Brassicaceae Cruciferae

Nom en français : Ibéris en ombelle.

Descripcioun :
Lou taraspic trachis en ribo d'aigo, dins li bos fres e li gaudre, majamen dins lis Aup marino. Se recounèis à sis enflourejado roso caupant de gràndi flour sus li coustat e peréu au fru emé si dos pouncho à coustat dóu soubre de l'estile. La planto èi marcado sus la listo roujo, categourìo NT, quàsi menaçado.

Usanço :
Coume èi poulideto, se sameno dins lis ort. Es esta fa d'ùni varieta de tóuti li coulour.

Port : Erbo
Taio : 20 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Iberis
Famiho : Brassicaceae
Famiho classico : Cruciferae

Ordre : Brassicales

Coulour de la flour : Roso
Petalo : 4
Ø (o loungour) flour : 1 à 2,5 cm
Flourido : Printèms

Sòu : Ca
Autour basso e auto : 0 à 1200 m
Aparado : Noun
Mai à jun

Liò : Ribo d'aigo - Bos fres - Gaudre
Estànci : Mesoumediterran à Subremediterran
Couroulougi : Éurimediterrano-Ouèst
Ref. sc. : Iberis umbellata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis discolor & Iberis umbellata

ges

Coumpara Te-vese-e-t'ame(-di-dos-coulour) emé uno autro planto

Coumpara Taraspic emé uno autro planto